Թիրախային լսարան` 14+

Նկարագրություն

Ծրագիրը բաղկացած է երեք փուլից՝ հետազոտական աշխատանք, կոնֆերանս և նյութերի ժողովածուի հրատարակում:

Եղիշե Չարենցի տուն-թանգարանի և Հայաստանի Գրողների միության կողմից հաստատված հանձնաժողովը յուրաքանչյուր տարի ամռանը հայտարարելու է հետազոտական աշխատանքի խորագիրը, որի շրջանակում գրականասեր-չարենցասեր պատանիները, ուսուցիչների խորհրդատվությամբ, կուսումնասիրեն Եղիշե Չարենցի կյանքն ու ստեղծագործությունը, բանաստեղծի միջանձնային, ստեղծագործական կապերը ժամանակի գրողների, արվեստագետների (հայ կամ օտարազգի) հետ: Հետազոտական աշխատանքն ավարտելուց հետո հանձնաժողովի կողմից ընտրված հայտերի հեղինակները կմասնակցեն Ուսուցչի տոնի շրջանակում կազմակերպվող կոնֆերանսին: Լավագույն նյութերը կհրատարակվեն:
Ծրագրին մասնակցելու համար պետք է գրանցվել https://tinyurl.com/3t9wr558, իսկ հետազոտական աշխատանքներն ուղարկել charents.museum@gmail.com էլեկտրոնային հասցեին մինչև սեպտեմբերի 20-ը:
Հավելյալ տեղեկությունների համար դիմել Եղիշե Չարենցի տուն-թանգարան (հեռ.՝ 010 53 14 12):

Մարտիրոս Սարյանի տուն–թանգարանի հետ համատեղ

Թիրախային լսարան` 10+

Խումբ՝ 15-20 աշակերտ

Տևողությունը` 30 րոպե (յուր. թանգարանում) + 10 րոպե քաղաքային էքսկուրսիա

Նկարագրություն՝

Ծրագիրը բաղկացած է 2 մասից՝ տեղեկատվական և խաղային-ստեղծագործական։

Ծրագրի տեղեկատվական մասը իրականացվում է Մ. Սարյանի տուն-թանգարանում: Առաջին հատվածում մասնակիցները ծանոթանում են սարյանական գույներին և արվեստին, Չարենց-Սարյան ընկերությանը, ապա տեղեկանում են՝ ինչպե՞ս կարող է բնորդը նաև քո ընկերը
լինել, ի՞նչ դժվարություններ են առաջանում այդ ժամանակ։

Ծրագրի երկրորդ հատվածը՝ խաղային-ստեղծագործական, իրականացվում է Ե. Չարենցի տուն-թանգարանում: Արդեն Չարենցի տուն–թանգարանում ընդհանուր գիտելիքները ամփոփելուց և ամրապնդելուց հետո մասնակիցները բաժանվում են երկու խմբի (կախված խմբի քանակից՝ նաև երեք) և յուրաքանչյուր խումբ նկարում է հայտնի կտավը իր պակերացրած դիմակով կամ այն ամբողջ պատմական ընթացքը, որն անցել է կտավը (աշխատանքը կատարվում է Ե. Չարենցի «Ես իմ անուշ Հայաստանի» բանաստեղծության ներքո՝ արտասանում է Մ.Սարյանը):

Մ. Սարյանի տուն-թանգարանից դեպի Ե. Չարենցի տուն-թանգարան տանող ճանապարհը ուղեկցվում է քաղաքային էքսկուրսիայով: Երեխաների խմբից ընտրվում է խմբավար, ով հատուկ քարտեզի միջոցով գտնում է Սարյանի տնից դեպի Չարենցի տուն տանող ճանապարհը և առաջնորդում է խմբին:

Թիրախային լսարան՝ 6+

Խումբ՝ 15-20 աշակերտ

Տևողությունը՝ 40 րոպե

Նկարագրություն

Ծրագիրը բաղկացած է երկու մասից՝ տեղեկատվական և խաղային: Այն անցկացվում է թանգարանի հուշային հատվածում:
Առաջին մասում մասնակիցներին ներկայացվում են թանգարանային վարքագծի կանոնները, որից հետո ծանոթանում են հուշային հատվածին:
Ծրագրի երկրորդ մասում մասնակիցները բաժանվում են խմբերի և մրցութային կարգով հավաքում են փազլ՝ թանգարանային առարկաների պատկերներով:

Թիրախային լսարան` 10+, ընտանիքներ

Խումբ` 15-20 աշակերտ

Տևողությունը` 40-50 րոպե

Նկարագրություն

Աշակերտները բաժանվում են խմբերի (յուր․ խմբում առավելագույնը 5-6 աշակերտ)։ Ցուցադրելով նախապես պատրաստված տեսասահիկը՝ մասնակիցները «ծանոթանում են» Չարենցի ընտանիքի անդամներին՝ ներկայացնելով յուրաքանչյուրի մասին կարևոր մի քանի (կենսագրական, Չարենցին առնչվող) տեղեկություններ։ Տեղեկությունը տրամադրելուց հետո մասնակիցներին տրվում է 20-30 րոպե ժամանակ, որ կարողանան նախօրոք բաժանված լուսանկարներն օգտագործելով հավաքել չարենցյան տոհմածառը։
Ժամանակի ավարտից հետո ստուգվում են աշխատանքները, հարց ու պատասխանի միջոցով ամփոփվում է նյութը։

Թիրախային խումբը՝ 10+

Խումբ` 15-20 աշակերտ

Տևողությունը՝ 45 րոպե

Նկարագրություն

Ծրագիրը բաղկացած է երկու մասից՝ տեղեկատվական (15 րոպե) և գործնական(25 րոպե)։

Տեղեկատվական մաս

Սկզբում երեխաներին ներկյացվում է թանգարանը. ծանոթանում են ցուցասրահներին, տեսնում են Չարենցի բնակարանը, տեսասահիկի միջոցով ծանոթանում են Չարենցի ստեղծագործություններին, անձնական իրերին և լսում են դրանց հետ կապված հետաքրքիր պատմություններ։

Գործնական մաս

Տեղեկատվական մասին հաջորդում է արդեն գործնական մասը։ Աշակերտները բաժանվում են երկու խմբի։ Յուրաքանչյուր խմբին տրվում են «քարտեր», որոնց վրա կան հարցեր։ Հանձնարարվում է նշված ժամանակահատվածում` 20 րոպե, գտնել հարցերի պատասխանները ցուցասրահներում` ցուցապաստառներից օգտվելով և ընթացքում համապատասխան նշումներ կատարելով։

«Էքսկուրսիայի» ընթացքում խմբերին ուղեկցում են խմբավարը և ուղեկցող ուսուցիչը։ Վերջում վերադարձ դահլիճ խաղն ամփոփելու համար։ Ամփոփման ընթացքում ևս ցուցադրվում է սահիկաշար։