Եղիշե Չարենցի տուն-թանգարանի նախաձեռնությամբ Թանգարանների միջազգային խորհրդի պատմական բնակավայրերի (ICOM/DEMHIST) միջազգային կոմիտեի կառավարման խորհրդի անդամները առցանց «այցելեցին» տուն-թանգարան։ Նրանք ծանոթացան թանգարանի հիմնական ցուցադրությանը և իրականացվող ծրագրերին։ Շրջայցն ավարտվեց մասնագիտական մտքերի փոխանակմամբ։
ICOM/DEMHIST միջազգային կոմիտեի կառավարման խորհրդի կազմում են թանգարանային փորձագետներ Իսրայելից, Ֆրանսիայից, Նիդերլանդներից, Սերբիայից, Իսպանիայից, Իտալիայից, Գվատեմալայից, Հայաստանից, Մեքսիկայից, Պորտուգալիայից։